د کانونو او پټرولیم وزارت سرپرست شیخ الحدیث شهاب الدین دلاور په بهر کې مېشتو یو شمېر افغان متخصصینو او د جرمني هېواد له یو تن پانګوال د کنترا شرکت له رییس سره لیدنه کړې.
د کنترا شرکت رییس د لابراتوارونو په برخه کې خپلې تجربې شریکې کړې د کانونو د سکټور اړوند د مسلکي او تخنیکي زده کړو لپاره د زمینې برابرولو په اړه خبرې کړي، چې د کانونو او پټرولیم وزارت د سرپرست له لوري یې هر کلی شوی.
افغان متخصصینو د افغانستان په اوسني وضعیت خوښي څرګنده کړې او زیاته کړې يې ده؛ د افغانستان او سني وضعیت ته په کتو او ډېرو کاني زېرمو په درلودو سره د کان کیندنې په اړه موږ او په بهر کې مېشت ټول متخصصین د مشورې ورکولو او خپلو تجربو شریکولو ته چمتویو.
سرپرست وزیر د دوی له نظریاتو او غوښتنو مننه کړې، له بهر څخه یې د لا ډېرو متخصصینو او پانګوالو جلبولو په اړه ټېنګار کړی او د همکاریو ژمنه یې ورسره کړې.