د افغانستان بانک او د افغانستان لپاره د کوچنیو پورونو د پانګونو د ملاتړ مرکز (مسفا) ترمنځ د همکاریو ګډه غونډه جوړه شوې، چې په یاده غونډه کې خلکو ته د پورونو ورکولو، مالي اسانتیاوو او د یو شمېر نورو اړوندو موضوعاتو په اړه خبرې اترې شوي او د دې سکتور د پیاوړتیا او ملاتړ په هکله نظرونه شریک شوي دي.
د افغانستان بانک سرپرست رییس هدایت الله بدري د دې ادارې له استازو سره د قوانینو او مقرراتو په رڼا کې د هر ډول همکارۍ ژمنه کړې او یادونه یې کړې؛ د افغانستان بانک ژمن دی، چې د هېوادوالو لپاره په مالي او بانکي برخو کې اړینې آسانتیاوې رامنځته کړي.
د افغانستان بانک لومړي مرستیال نور احمد اغا د هېواد په اقتصاد کې د کوچنیو پورونو موسساتو رول د ارزښت وړ یاد کړ او په خپل نوبت یې له دې ډول موسساتو سره د افغانستان بانک د همکارۍ ژمنه کړې.
د مسفا ادارې استازو د افغانستان بانک سره په همغږۍخلکو ته د پورونو ورکولو او نورو مالي اسانتیاوو د رامنځته کولو ژمنه کړې.