بلخ کې د ۲۰ میلیونه افغانیو په ارزښت د بلخ باستان دريم صنعتي پارک د احاطې دېوال د او واټونو د جوړولو چارې پیل شوې.
صنعت او تجارت وزارت د صنعتي پارکونو امر انجینر ریاض الحق ریاض ویلي؛ د دغه صنعتي پارک لپاره د افغانستان اسلامي امارت د صنعت او تجارت وزارت له لوري د څلور زره جریبه په اندازه ځمکه د مزارشريف ښار د حيرتان دو راهي په سيمه کې په واک کي ورکړل شوې، چي له دې ډلي یې په لومړي پړاوو کي پر ۲۴۴ جریبه ځمکه باندي صنعتي پارک او پاته ساحه باندي سوداګريز مرکز او د بېلابېلو فابریکو لپاره به په منظم ډول وټاکل شي.
د ښاغلي ریاض په وینا؛ د ۲۰ میلیونه افغانیو په لګښت د صنعتي پارک لومړني کارونه، چي پکې۳.۶ کیلو متر دیوال او ۱۰ کیلو متر د سړک جوړوني پروژه شامله ده، چارې یې پیل او په شپږو میاشتو کي پای ته ورسیږي.
د بلخ مرستیال والي مولوي نورالهادي ابوادریس ویلي؛ یو کال وړاندي د نوي صنعتي پارک لپاره همدا ساحه ټاکل شوې وه او اوسمهال د دغه پروژې عملي چاري پیل شوې او دا د صنعت کارانو لپاره یو لوی وياړ او لاسته راوړنه ده.
د ښاغلي ابوادريس په وينا؛ د اسلامي امارت مسولینو هر وخت د هېواد ملي تجارانو او صنعت کاران تشویق کړي او د دوی ملاتړ یې کړی، د ستونزو په وخت کي یې د مشکلاتو په حل کي جدي اقدامات کړي، ترڅو د هېواد د پرمختګ لپاره دا ډول پروژې عملي کړي.
په بلخ کې د صنعت او سوداګري رييس قاري امیرخان متقي ویلي؛ په یاد ولايت کې دغه دريم صنعتي پارک دی، چې د سوداګرو په واک کې ورکړل کيږي.
همداراز د صنايعو او معدنونو رييس امام الدين سنايي زاده ویلي، چې دغه صنعتي پارک کولي شي تر دېره د سوداګرو ستونزې هوارې شي.
دا په بلخ ولايت کې دريم صنعتي پارک دی، چې د اسلامي امارت مسولينو لخوا سوداګرو او فابريکه لرونکو کسانو ته ځانګړی شوی دی.