د ننګرهار ولایت کرنې رياست په چوکاټ کې د UNDP ادارې په ۷۳ زره او ۴۰۰ امريکايي ډالرو مالي لګښت د CBARD/ROP پروژې له مخې لعلپورې ولسوالۍ کې د يو سربند او کانال د جوړولو چارې پيل شوې.
دغه سربند او کانال ۲۰۵ متره اوږدوالی لري، چې ور سره ۱۷۰ متره سلبونه، ۱۷۰ متره سوپر پسيج، دوه د اوبو کنترول دروازې، ۱۰۰ متره د غاړې ديوالونه او ۱۷۰ متر کټپ وال لري.
په یاده پروژه کې ۶۰۰ متره کانالونه هم پاک شوي، چې د یو زر او ۵۰۰ جريبه ځمکې خړوبوي او ۴۰ کسانو ته پکې د کار زمینه برابره شوې وه.