د کرنې، اوبولګولو او مالدارۍ وزارت د غلو دانو د پراختیا رییس محمد اکبر وزیري د غنمو او وریجو د ځنځیري ارزښت د پراختیا، د خوراکي توکو د ضایعاتو او په سیمه کې د ضایعاتو د استراتيژيو په نړیوال کنفرانس کې، چې د ترکیې په هېواد کې جوړ شوی وو د کرنې وزارت په استازیتوب ګډون کړی.
دغه کنفرانس د ترکیې په انکارا ښار کې د خوړو خوندیتوب د اسلامي ادارې (آي،او،اف اس) د دفتر له لارې جوړ شوی.
په یاد کنفرانس کې د بنګله دېش، قزاقستان، تاجکستان، مراکش، پاکستان، قطر، ترکیې، تونس او مصر استازو ګډون لري.
دغه کنفرانس د نومبر په ۲۹مه په سیمه کې د غنمو او وریجو د ځنځیري ارزښت د پراختیا پر تنظیمولو، د خوراکي توکو د ضایعاتو د کمولو او په سیمه کې د ضایعاتو د استراتیژیو پر تګلارو د خبرو اترو لپاره جوړ شوی او تر راتلونکو څو ورځو پورې به دوام وکړي.