بغلان کې د شمال د ډبرو سکرو تصدۍ مسولینو ویلي، چې هره ورځ ۱۰۰ ټنه د ډبرو سکاره د بغلان د کرکر له کان څخه په فني توګه ویستل کیږي په داسې حال کې، چې د اسلامي امارت تر حاکمیت وړاندې د دې کان ګڼې برخې ډیر کله په غیر فني توګه د ویستنې سره مخ وې.
د شمال د ډبرو سکرو د تصدۍ ریس مولوي عبدالله حامد ویلي؛ د کرکر د ډبرو سکرو کان د هېواد په کچه دويم لوی کان دی، چې هره ورځ ترې ۱۰۰ ټنو پورې سکاره په فني ډول ورڅخه ویستل کیږي او ورځ تر بلې هڅې روانې څو لا د دې ویستنې په معیاري ډول سره ترسره شي.
مسولینو زیاته کړې؛ چې د کرکر د ډبرو سکرو کان په ۱۳۱۶ لمریز کال کې د یو شپون لخوا کشف شو.
دا کان د پلخمري ښار په ۲۱ کیلومترۍ کې پروت دی، چې په لمړیو کې د کانونو وزارت یې کیندنې په ساده تجهیزاتو او وسایلو سره کوله او سکاره ېې د څارویو په واسطه لیږدول کېدل خو د شمال د ډبرو سکرو د تصدۍ رییس حامد ویلي، چې اوس دا کان د پرمختللو وسایلو پر مټ ویستل کیږي او ویستل شوي سکاره د څارویو پر ځای د ماشینونو په واسطه بیرون ته لېږدول کیږي.