د پنجشیر ولایت په شتل او عنابه ولسوالیو کې نهه پروژې د د ۳۷۴ زره او ۴۳۶ ډالرو په ارزښت، چې د سیند د څنډو د تحکیماتو او د کانالونو جوړول پکې شامل دي بشپړې او کټې اخیستنې ته وسپارل شوې.
یادې پروژې د اف، اې، او موسسې په مالي ملاتړ د پورتني پنجشیر(بازارک) سیندیزې فرعي حوزې تر څارنې لاندې د یو ودانیز او لوژستیکي شرکت له لوري د شپږو میاشتو په موده کې پلي شوې، چې د اوبو د مدیریت او د سیلابونو د مخنیوي په برخه کې به رغنده رول ولري.