تاجیکستان کشوری اسلامی که در این آواخر قوانینی در آن به تصویب می‌رسد که با ارزش‌های اسلامی در تضاد قرار دارند.
مجلس علیای تاجیکستان در تازه‌ترین اقدام، لایحه ممنوعیت حجاب اسلامی و همچنان تجلیل عیدهای فطر و اضحی برای کودکان را تصویب کرده است.
این لایحه، حجاب اسلامی را با فرهنگ تاجیکستان بیگانه خوانده و واردات، خرید، فروش و اعلانات لباس‌های اسلامی را نیز ممنوع کرده است.
بر اساس تصویب این لایحه زنانی‌که از این قانون سرپیچی کنند از ۵۰۰ تا بیش از ۷۰۰ دالر جریمه می‌شوند.
با این‌حال چنین اقدامات تاجیکستان با واکنش‌های بسیاری از کشوهای اسلامی به‌ویژه افغانستان مواجه شده است.
شماری از علمای دینی و استادان پوهنتون کشور این اقدام تاجیکستان را خلاف ارزش‌های دینی و اسلامی دانسته و ازعلمای دینی تاجیکستان خواسته‌اند تا در برابر چنین قوانین خلاف اسلامی صدا بلند کنند.