اذربایجان کې د افغانستان اسلامي امارت پلاوي د سازښت صندوق (Adaptation Fund) له مسولینو سره لیدنه کړې،
د لیدنې په پیل کې د افغانستان اسلامي امارت تخنیکي ټیم د (Focal Point) د منلو او د سازښت صندوق د همکاريو د دوام له امله د (Adaptation Fund) له مسولینو مننه کړې او د اقلیمي بدلون سره د سازښت او مبارزې په برخه کې یې د افغانستان د کلیوالي ټولنو لپاره د پروژو د پیل پر څرنګوالي، د یاد صندوق مالي میکانیزمونو ته په مستقیم ډول د لاسرسي په موخه د ملي تطبیقوونکي بنسټ (NIE) د معرفۍ د پروسې په هکله هر اړخیزې خبرې شوې دي.
د سازښت صندوق مسولینو په یاد صندوق کې د افغانستان د ونډې، د نوو مالي فرصتونو او د ملي تطبیقوونکي بنسټ د معرفۍ د پروسې په هکله بشپړ معلومات وړاندې کړي.
د غونډې په پای کې دواړو لورو پر دوامداره همکارۍ هوکړه کړې ده.