مولوی نورجلال جلالی، وزیر صحت عامه در نشست آنلاین با رییسان صحت عامه ۳۴ ولایت تأکید کرده که مراکز صحی در سراسر کشور در روزهای عید سعید فطر باید فعال باشند.
وزارت صحت عامه می‌گوید که در این نشست پیرامون چگونگی ساخت شفاخانه‌های عمومی در ولسوالی‌ها و جلوگیری از بیماری‌های ساری نیز بحث شده است.
به گفته این وزارت، رییسان صحت عامه ولایت‌ها در این دیدار از ارائه خدمات به تمام ولسوالی‌های ولایت‌ها در جریان روزهای عید به رهبری وزارت اطمینان داده‌اند.
این وزارت می‌افزاید که مولوی عبدالولی حقانی، معین عرضه و خدمات وزارت صحت عامه هدایت‌های خود را مبنی بر ارائه خدمات صحی و دریافت دواها در شفاخانه‌های عمومی به مسوولان ولایتی شریک ساخت.