په دې غونډه کې، چې د بېرته راستنېدونکو هېوادوالو لپاره د مرستو د جلب او جذب کمېټې استازو هم ګډون درلود، د کډوالو لپاره د بېړنیو مرستو راټولولو او لازمو اسانتیاوو برابولو په اړه خبرې شوي.
انجینیر فرهاد ازاد د قطر هېواد د الغرافه خیریه بنسټ په استازیتوب د افغان کډوالو د بېرته راستنیدونکو سره د هر اړخیزې همکارۍ ژمنه کړې.
د قطر هېواد د الغرافه خیریه بنسټ، چی تر دې وړاندې یې هم د افغانستان خلکو سره په بېلابېلو پراختیایي او بشري مرستو کې فعاله ونډه اخیستی اوس هم د اسلامی اخوت او مسلمان هېواد په ټوګه خپلې مرستې بېرته راستنېدونکو مهاجرینو ورونو سره د مرستو د جلب او جذب کمېټې سره په پوره همغږۍ شریکې کړي.