د کندوز د برېښنا ریاست مسولین وايي، چې د روان کال د ۸ میاشتو په عوایدو کې یې ۳۶ سلنه زیاتوالی راغلی دی.
د کندوز د برېښنا ریاست مرستیال انجنیر محمد صادق امین وايي، چې دغه ریاست په تېرو ۸ میاشتو کې ۸۱۲ میلیونه افغانۍ عواید راټول کړي، چې په تېر ۱۴۰۱ کال کې ۵۱۹ میلیونه افغانۍ وې او دغه شمېره ۳۶ سلنه زیاتوالی ښيي.
د نوموړي په وینا، د یاد ولایت د برېښنا ریاست عواید له تجارتي او رهایشي برخو څخه راټول شوي دي. د کندوز ولایت قلعه زال، کلباد، دشت ارچي او اقتاش ولسوالۍ له برېښنا څخه بې برخې دي، خو اسلامي امارت پوره هڅه کوي، چې یادې ولسوالۍ هم له برېښنا څخه برخمنې شي.