د اقتصاد وزارت سرپرست وزیر او د کډوالو لپاره د مرستو د جلب او جذب کمیټې رییس قاري دین محمد حنیف د قطر هېواد د افغانستان لپاره د الغرافه بنسټ خاص استازو، د الغرافه خیریه بنسټ مالی مسول او یو شمیر استازو سره لیدنه کړې.
د اقتصاد وزارت سرپرست وزیر هرات کې د زلزلي له امله د رامنځ ته شوي مالي او ځاني تلفاتو او وروسته بیا له ګاونډیو هېوادونو څخه د کډوالو د راستنېدو او د لازمو اسانتیاوو د برابرولو په اړه خبري کړي.
عبدالله جلال جلال او احمد محمد القرآني افغانستان کې د قطر هېواد د الغرافه خیریه بنسټ په استازیتوب د بیرته راستنېدونکو افغان کډوالو سره د هر اړخیزې همکارۍ ژمنه کړې او د کډوالو لپاره د مرستو د جلب او جذب کمیټې ته یی ډاډ ورکړی، چې د الغرافه خیریه بنسټ بشري مرستې به په راتلونکي کې هم دوام ولری.