د اسلامي امارت ویاند مولوي ذبیح الله مجاهد وایي، چې د عالیقدر امیرالمؤمنین حفظه الله تعالی د لزوم دید اړوند لاندې کسان پر ټاکل شویو دندو ګمارل شوي:
۱ـ د مرکزي دار الإفتاء لوی ریاست مخکنی غړی شیخ سلطان محمد، د ستري محکمې د دار الإفتــــــاء د رییس په توګه.
۲ـ د کندهار ولایت د استیناف محکمې مخکنی رییس مولوي عبدالغفار بحر، د ستري محکمې د تدقیق او مطالعاتو ریاست د رییس په توګه.
۳ـ د جنوب لوېدیځ زون د تمیز عالي ریاست مخکنی غړی مفتي شرف الدین، د همدې زون د قضايي تعلیماتو د رییس په توګه.
۴ـ د ستري محکمې د دارالإفتاء مخکنی رییس مولوي عزیز الله مظهري، د جنوب لوېدیځ زون د تمیز عالي ریاست د نظامي منسوبینو د دیوان د رییس په توګه.
۵ـ د جنوب لوېدیځ زون د تمیز عالي ریاست د نظامي منسوبینو د دیوان مخکنی رییس شیخ مولوي غلام حضرت، د کندهار ولایت د استیناف محکمې د رییس په توګه.
۶ـ د کندهار ولایت د استیناف محکمې د مدني دیوان مخکنی رییس مفتي عبدالجلیل، د زابل ولایت د استیناف محکمې د رییس په توګه.
۷ـ د نیمروز ولایت د استیناف محکمې مخکنی رییس مولوي عبدالخالق، د بادغیس ولایت د استیناف محکمې د رییس په توګه.
۸ـ د بادغیس ولایت د استیناف محکمې مخکنی رییس مولوي عبدالخالق، د نیمروز ولایت د استیناف محکمې د رییس په توګه.
۹ـ د زابل ولایت د علماوو د شوری مخکنی رییس مولوي عبدالجبار اغا، د کندهار ولایت د استیناف محکمې د امنیت عامه دیوان د رییس په توګه.
۱۰ـ د کندهار ولایت د استیناف محکمې د امنیت عامه دیوان مخکنی رییس مولوي مغفور الله، د همدې محکمې د مدني دیوان د رییس په توګه.
۱۱ـ د مرکزي دار الافتاء مخکنی عضو مفتي محی الدین، د ستري محکمې د دار الافتاء د غړي په توګه.
۱۲ـ د مرکزي دار الافتاء مخکنی عضو مفتي عبدالنور، د ستري محکمې د دار الافتاء د غړي په توګه.