د کندهار ولایت د شور اندام سیمنټو فابریکې جوړولو چارې په ۵۰۰ جریبه ځمکه د شاوخوا سل میلیونه ډالرو په پانګونه په چټکۍ سره روانې دي.
د یادې فابریکې چارې څه موده وړاندې د کانونو او پټرولیم وزارت له لوري له یوه خصوصي شرکت سره قرارداد شوې دي.
د دې فابریکې په لومړۍ مرحله کې به د تولید ظرفیت په ورځني ډول ۱۵۰۰ ټنه او په راتلوونکو کلونو کې به ۵۰۰۰ ټنو ته ورسېږي او له ۵ زره زیاتو کسانو ته به کاري زمینه پکې برابره شي.
دغهراز د عوایدو په لوړوالي، د کاري زمینې برابرولو، د ملي اقتصاد پياوړتیا او له بهرنیو هېوادونو څخه د سیمنټو د وارداتو په کمولو کې به موثر تمام شي.
د یادولو وړ ده، چې کانونو او پټرولیم وزارت د جبل السراج او هرات سیمنټو پروژې هم قرارداد ته سپاري او اوس مهال د اکتشاف په مرحله کې دي.