د ټولګټو وزارت له لوري د نیمروز ولایت په چخانسور ولسوالۍ کې د یو پایه پله د رغونې چارې د ۲۰.۷ میلیونه افغانیو په ارزښت پیل او دا مهال یې کار جریان لري.
دغه پل چې ۲۰ متره اوږد والی او ۷.۵متره پلنوالی لری تخنيکي چاري یې د افغاني انجنيرانو لخوا پر مخ وړل کیږي او د رغونې چارې به یې د دریو میاشتو په موده کې بشپړې او ګټې اخيستنې ته وسپارل شي.
د یاد پل په رغونې ځایي اوسیدونکي خوښي څرګندوي او د چخانسور سړک چې یاده ولسوالي له زرنج – دلارام لویي لاري سره نښلولي د بیا رغونې غوښتنه کوي.
د همدې پل په بشپړیدو سره به د نیمروز د چخانسور ، کنګ او د فراه ولایت د جوین ولسواليو د اوسېدونکو ټرانسپورټي ستونزې د پخوا په پرتله هوارې شي.