د اوبو او انرژي وزارت د رهبري ناسته ترسره شوه.
په دې ناسته کې د اوبو او انرژي سرپرست وزیر ملا عبداللطیف منصور تر رهبرۍ لاندې د دغه وزارت د اوبو مرستیال مجیب الرحمن عمر اخوندزاده او د اوبو او انرژي معینیتونو د عمومي ریيسانو په ګډون ترسره شوه.
په یاده ناسته کې د اوبو او انرژي وزارت د ۱۴۰۳ کال د تشکیل او بودیجې د ټاکلو، د دغه وزارت د پروژو د ستونزو په هوارولو او یو شمېر اړوندو موضوعاتو اړه خبرې شوي.
د ناستې په بهیر کې ریيسانو د وړاندې شوو موضوعاتو په هکله خپل معلومات او اندونه څرګند کړي او په پای کې د وزارت سرپرست د اړینو تصمیمونو په نیولو سره اړوندو مسولینو ته د چارو د غوره ترسره کولو په موخه اړینې لارښوونې او سپارښتنې وکړې.