د اسلامي امارت بهرنیو چارو وزارت په یوه اعلامیه کې پر غزه د صهیونیستي یرغلګرو وحشیانه بریدونه او روان وحشت په کلکو ټکو غندي او د ژر تر ژره درېدو غوښتنه یې کوي.
په اعلامیه کې راغلي “د فلسطین په غزه تړانګه کې له څو ورځني اوربند وروسته، تیره ورځ صهيونيستي یرغلګرو یو ځل بیا وحشیانه بریدونه پیل کړي چې د تیرو نږدې شل زره شهیدانو او شپږدیرش زره ټپیانو سربیره تر دې دمه نږدې ٢٠٠ تنه نور ملکيان، چې ډېری یې ښځې او ماشومان دي، په شهادت رسيدلي، ۶۰۰ نور ټپیان شوي او ګڼ شمیر یې لا هم تر نړیدلو ودانيو لاندې لادرکه دي.
اسلامي امارت د صهیونیستانو روان وحشت په تر ټولو کلکو ټکو غندي او د ژر تر ژره دريدو غوښتنه يې کوي.”