په یاده غونډه کې د سرطان او قلبی ناروغيو د تشخيص او درملنې په موخه معياري طبی کمپلکس لپاره د ځمکې د تشخصي په اړه اړونده ادارو استازو څخه جوړ هيئت ته دنده وسپارل شوه، چې دا د جمهوريت روغتون تر لاس لاندې چارو سره سره په لوړه کچه بل د ستاينې وړ اقدام ګڼلی شي.
همداراز د صکوکو مطبعې د پياوړتيا او باکفايته ګرځولو په اړه د لازمو اقداماتو سپارښتنه وشوه.
ناسته کې د چپه لاس موټرو د زياتوالي د مخنيوي اړونده ترتيب شوې طرحې په اړه په ترتیب شویو حل لارو باندې بحث وشو او فیصله وشوه چي ښه غور دي ور باندي وشي، تر څو يې مؤثریت لا زيات او ښه نتایج ترې تر لاسه شي.
همدا راز په یاده ناسته کې په نظامي مراکزو او ځینو ولايتونو کې د بهرنيو ځواکونو څخه د پاتې طبي تجهيزاتو د ښه حفاظت او ښې استفادې په موخه فعالو طبی مراکزو ته د انتقال په هکله لازمې سپارښتنې وشوې.