ورځ: چهارشنبه
نېټه ۱۵/۹/۱۴۰۲
د هېواد له بېلابېلو لارو څخه هېواد ته کډوال راستانه شوي دي او په بیلابیلو برخو کې ورته اړین خدمات وړاندې شوي.
بشپړ راپور یې په لاندې ډول وړاندې کیږي:
ننـــــــــګرهـــــــــــا
تورخم (ډیورنډ فرضي کرښه)
د ثبت، تثبیت او استقبال کمېټه:
په تورخم کې ۱۴۵ کورنۍ ثبت او بایومیټریک شوي دي.
د ټرانسپورټ او لېږد کمېټه:
له تورخم څخه، ۸۹ کورنۍ چې د افرادو شمېر یې ۴۵۴ و، ننګرهار، کونړ، لغمان او کابل ته په خوندي توګه ولېږدول شوې او یادې کورنیو ته ۱۴۸ زره او ۴۰۰ کرایه ورکړل شوه.
د مالي چارو د تنظیم کمېټه:
تورخم کې له ۹۶ کورنیو سره لس- لس زره افغانۍ مرسته وشوه چې په ټوله کې ۹۶۰ زره افغانۍ کیږي.
د مؤقت مېشت کولو کمېټه:
عمري کمپ کې ۵۰ کورنۍ په مؤقت کمپونو کې ځای پر ځای کړل شوې او ورته د ځای، البسې، غذا ترتیبات نیول شوې و او همدا شان په دې کمپ کې پینځه خیمې ودرول شوې.
د خدماتو او روغتیايي چارو کمېټه:
د تورخم په عمري کمپ کې راستنېدونکو کډوالو ته د روغتیا په شمول لاندې بیلابیل خدمات وړاندې شول:
غذا: په عمري کمپ کې پینځه زره کډوالو ته ډوډۍ او ۱۳۵ زره لیټره اوبه توزیع شوي دي.
البسه: په عمري کمپ کې یادو راغلیو کډوالو ته لاندې البسه توزیع شوه:
۴۵۰ کمپلې، ۹۰ تختې فرشونه، ۱۵۰ تنو ته د کالیو بستې او ۲۰۰ کارتنه خام غذایي مواد وویشل شول.
مخابرات: د مخابراتو او معلوماتي ټکنالوژۍ د مسولینو له لوري ۴۴۹ کډوالو ته سیمکارټونه په وړیا توګه چې وړیا دقیقې او د انټرنټي بستې هم پکې فعاله وې، توزیع شوي دي.
د اطلاعاتو او عامه پوهاوي کمېټه:
تورخم کې کډوالو ته عامه پوهاوی ورکړل شو:
کډوالو ته د دوی د ثبت، انتقال، مالي مرستو، موقت میشتدنې، انتقال په اړه عامه پوهاوی ورکول شو.
د هېواد، اسلامي نظام، د مهاجرت، صبر او زغم او تعلیم او تربیې په اړه عامه پوهاوی ورکړل شو.
کنـــــــــــــــــــــــــــدهار
سپین بولدک (ډیورنډ فرضي کرښه)
د ټرانسپورټ او لېږد کمېټه:
له سپین بولدک څخه ۴۴ کورنۍ چې د افرادو شمیر یې ۲۸۴ تنه و، قندهار، هرات او کابل ته په خوندي توګه ولیږدول شوې او یادو کورنیو ته ۳۹ زره افغانۍ کرایه ورکړل شوه.
د خدماتو او صحي چارو کمېټه:
په سپین بولدک کې راستنیدونکو کډوالو ته د روغتیا په شمول لاندې بیلابیل خدمات وړاندې شول:
غذا: په سپین بولدک کې ۱۸ زره کډوالو ته غرمنۍ ډوډۍ او ۷۶ زره لیټره اوبه توزیع شوې دي.
روغتیا: نن په سپین بولدک کې ۲۸۰ تنه راستنیدونکو مهاجرین تداوي شوې او یو زر او ۷۴۰ کسانو ته بېلابیل واکسین تطبیق شوي دي.
مخابرات: راغلیو کډوالو ته ۳۸۰ عدده سیمکارتونه په وړیا توګه چې وړیا دقیقې او د انټرنټي بستې هم پکې فعاله وې، توزیع شوي دي.
د خدماتو او صحي چارو کمېټه:
په آنګور آډه کې راستنیدونکو کډوالو ته د روغتیا په شمول لاندې بیلابیل خدمات وړاندې شوي:
غذا: په پکتیا کې ۹۸ تنه کډوالو ته ډوډۍ خواړه او اوبه ورکړل شوي.
روغتیا: نن په آنګور آډه کې ۴۹ تنه راستنه شوي مهاجرین تداوي شوې دي.
مخابرات: راغلیو کډوالو ته ۱۵عدده سیمکارټونه په وړیا توګه چې وړیا دقیقې او د انټرنټي بستې هم پکې فعاله وې، توزیع شوي دي.
پکتیکا
آنګور اډه (ډیورنډ فرضي کرښه
د ټرانسپورټ او لېږد کمېټه:
له آنګور آډې څخه، ۲ کورنۍ چې د افرادو شمیر یې ۱۹ و، په خوندي توګه خپلو سیمو او کلیو ته ولیږدول شوې.
نیمروز
وریښمو لار (ډیورنډ فرضي کرښه)
د ثبت، تثبیت او ستقبال کمېټه:
د نیمروز ولایت د وريښمو په لار کې ۴۳ کورنۍ چې د غړو شمېر یې ۱۵۰ تنه کیږي، ثبت شوي دي او همدا راز یو زر او ۴۸۴ مسافر هېواد ته راستانه شول چې ۱۱۹ تنه یې د کومک په موخه د آی او ام مؤسسې ته ور وپیژندل شول.
د مالي چارو د تنظیم کمېټه:
نیمروز کې د مالي چارو د تنظیم کمېټې له لوري له ۱۴ کورنیو سره لس- لس زره افغانۍ مرسته وشوه چې جمله ۱۴۰ زره افغانۍ کیږي.
د مؤقت مېشت کولو کمېټه:
نیمروز کې ۲۵ کورنۍ په مؤقت کمپونو کې ځای پر ځای کړل شوې او ورته د ځای، البسې، غذا ترتیبات نیول شوې دي او د آی او ایم موسسې له لوري ورسره نغدي او غیرنغدي مرستې وشوې.
د اطلاعاتو او عامه پوهاوي کمېټه:
په نیمروز کې ۱۵۰ تنو کډوالو ته عامه پوهاوی ورکړل شو:
کډوالو ته د دوی د ثبت، انتقال، مالي مرستو، موقت میشتدنې، انتقال په اړه عامه پوهاوی ورکړل شو.
همدرانکه د هېواد، اسلامي نظام، د مهاجرت، صبر او زغم او تعلیم او تربیې په اړه عامه پوهاوی ورکړل شو.
کابـــــــل
د ټرانسپورټ او لېږد کمېټه:
له کابل څخه ۱۴ کورنۍ چې د افرادو شمیر یې ۵۳ تنه و، کندز او تخار ولایتونو ته په خوندي توګه ولیږدول شوې او یادو کورنیو ته ۳۹ زره افغانۍ کرایه ورکړل شوه.
د کډوالو ستونزو د رسېدنې عالي کمېسیون دارالانشاء