د پروان والي مولوي قدرت الله اميني د ریاست الوزرا اداري مرستیال ته د دې ولايت د ټولنيز او اقتصادي حالت او سيمه ييزې حکومتوالۍ او همداراز د خپلو فعالیتونو او کړنو په اړه يې راپور ورکړی.
قدرت الله اميني ویلي؛ د اسلامي امارت ځايي مسولين د امنیت تامین، د خلکو ستونزو لمنځه وړلو او هغوی ته د هوساينې رامنځته کولو په موخه له هېڅ ډول هڅو درېغ نه کوي.
نوموړي د اسلامي امارت رهبري څخه غوښتي، ترڅو ځوانانو ته د ښوونې او روزنې، کاري فرصتونو رامنځته کولو او په دې ولايت کې د انکشافي پروژو پلي کولو ته پاملرنه وکړي.
مولوي عبدالسلام حنفي د پروان والي کړنې ستایلي او ویلي يي دي؛ ځايي مسولين خلکو ته د لازمو اسانتياوو رامنځته کولو او د هغوی د ستونزو لمنځه وړلو مسووليت لري او په دې برخه کې دې هېڅ ډول کمی نه کېږي.
نوموړي همداراز د اوریدل شوو وړانديزونو په اړه ویلي، اسلامي امارت به د خپل توان تر کچې په يادو برخو کې اقدام وکړي.