د رياست الوزرا اداري مرستيال مولوي عبدالسلام حنفي په کابل کې د فارياب ولايت له مېشتو يو شمېر متنفذينو او سپين ږيرو سره لیدنه کړې.
مخورو په هېواد کې د امنيت پر تامين خوښي ښودلې او ویلي يي دي؛ د اسلامي امارت مسولين خلکو ته د خدمت رسولو او لازمو اسانتياوو رامنځته کولو په برخه کې تل هڅه کوي او خلک د ځايي مسولينو له نېک چلند خوښ دي.
نوموړو د اسلامي امارت له رهبري غوښتي، ترڅو ځوانانو ته د کاري فرصتونو رامنځته کولو او د هېواد د کانونو ویستنې ته ځانګړې پاملرنه وکړي.
مولوي عبدالسلام حنفي ویلي، اسلامي امارت د هېواد د اقتصادي پراختيا، ابادۍ او پرمختګ لپاره له هېڅ ډول هڅو درېغ نه کوي.
د رياست الوزرا اداري مرستيال د هغوی د وړانديزونو په اړه ویلي، اسلامي امارت به خپلو امکاناتو ته په پام يادو مواردو ته رسېدنه وکړي.