د اقتصاد وزارت سرپرست وزیر او د کډوالو لپاره د مرستو د جلب او جذب كميتي ریيس قاري دين محمد حنیف د جاپان له سفير ښاغلي تاکا یوشي کورومیا او مل پلاوي سره لیدنه کړې.
په غونډه کې د کډوالو لپاره د مرستو د جلب او جذب كميتي استازو، د ماليې وزارت، کډوالو او بيرته راستنیدونکو چارو وزارت، بهرنیو چارو وزارت، د کلیو د بیارغونې او پراختیا وزارت، له طبيعي پېښو سره د مبارزې وزارت، د افغانی سر میاشتی ټولني او د بيرته راستنیدونکو هېوادوالو د امنیت مسول هم شتون درلود.
د جاپان سفیر د کډوالو لپاره د مرستو د جلب او جذب کمیټې ته د خپل هېواد د ۵۸.۴ ملیون دالرو په ارزښت بیرته راستنېدونکو کډوالو لپاره د اسانتیاوو برابرولو او بيړنیو مرستو د پوره کولو لپاره ځانګړ شوې بشري مرستې ډاډ ورکړی.
دا مرستي به د ملګرو ملتونو سازمان د UNHCR او UNFBA ادارو لخوا اړمنو کډوالو ته ورسیږي.
همدارنګه د جاپان هېواد سفیر د افغانستان د بیارغونې په برخه کې هم د خپل هېواد چمتووالي په ډاګه کړی، چی په پام کي ده په بېلابېلو برخو کې یو تعداد پراختیایي پروژی پلي کړي.