د قوش تیپې کانال د ترسره شویو چارو د ارزولو په موخه د ټاکل شوي پلاوي ناسته د ریاست الوزراء اداري مرستیال مولوي عبدالسلام حنفي په مشرۍ د مالیې، کرنې، اوبو لګولو او مالدارۍ، انرژۍ او اوبو، کور او ښارجوړولو د سرپرست وزیرانو سربېره پکې د چارو ادارې لوی رییس، د اقتصاد وزارت مرستیال، د اوبو او انرژۍ او صنعت او سوداګرۍ وزارتونو سلاکارانو، د ملي پراختیا شرکت لوی رییس او د اړوند ادارو استازو ګډون درلود.
د دې غونډې په پیل کې درې ټاکل شوو کمېټو د خپلو کړنو په اړه د ریاست الوزراء اداري مرستیال ته خپل راپور وړاندې کړی.
د اجرااتو د څرنګوالي، کاري پرمختګونو، د کرنیز کمپلیکس او صنعتي پارک د رامنځته کولو، د قوش تیپیې کانال شاوخوا ځمکو څخه د استفادې د څرنګوالي او پر حاصل خیزه کرنیزو ځمکو د هغو د بدلولو او د یاد کانال شاوخوا ته د اوبو د وېش د طریقې په اړه هر اړخیز بحثونه ترسره شوي.
د غونډې په پای کې د یاد پلاوي له لورې د افغانستان اسلامي امارت کابینې او د مشرتابه مقام ته د جامع پلان او راپور وړاندې کولو په موخه کمېټو ته دنده سپارل شوې، چې خپلې دندې بشپړې او په اړه دې خپل راپور په راتلونکې غونډه کې وړاندې کړي.