وزارت صحت عامه میگوید، کمپاین واکسین پولیو امروز (دوشنبه، ۲۴ قوس) سال روان خورشیدی در کابل و شماری از ولایتهای کشور آغاز شده است.
وزارت صحت عامه میافزاید که در این کمپاین، اطفال زیر پنج سال واکسین میشوند، تا از گسترش بیماری خطرناک پولیو جلوگیری شده و اطفال از فلج دایمی مصوون بمانند.
این وزارت از شهروندان کشور خواسته است تا در این کمپاین سهم گرفته و اطفال زیر پنج سال خود را واکسین کنند.