وزیر معارف به منظور بررسی وضعیت تعلیم و تربیه به بغلان سفر کرد

مولوی حبیب‌الله آغا، وزیر معارف به منظور بررسی وضعیت تعلیم و تربیه در ولایت‌های کشور، اخیراً به ولایت بغلان سفر کرده است.

وزیر معارف، پس از سفر به بغلان از ریاست معارف آن ولایت بازدید کرده و با مسوولان و کارمندان اداره یادشده دیدار و گفت‌وگو کرده است.

ریاست معارف ولایت بغلان گزارش فعالیت‌ها و کارکردهای خود را به وزیر معارف ارائه کرده است.

مولوی حبیب‌الله آغا، از فعالیت‌های مسوولان و کارمندان ریاست معارف بغلان قدردانی کرده و آنان را به مسوولیت‌های شان متوجه ساخته است.

مسوولان در ریاست معارف ولایت بغلان به رهبری وزارت معارف اطمینان دادند که برای تطبیق با پلان‌های این وزارت و ارائه خدمات متوازن برای شاگردان، از تمام توان و تجارب خود استفاده خواهند کرد.