شیخ شهاب‌الدین دلاور، سرپرست وزارت معادن و پترولیم با ملا بخت‌الرحمن شرافت، رییس عمومی اداره ملی خط‌آهن و هیأت همراه‌اش دیدار کرد.
دراین دیدار که مولوی حسام‌الدین صابری، معین مالی و اداری وشماری از رییسان این اداره نیز اشتراک داشتند، در رابطه به توسعه فعالیت‌ها بخصوص احداث خط‌آهن از کشور ایران الی شهر هرات، اندخوی، شبرغان، مزار شریف الی شیرخان بندر که با ترکمنستان و تاجیکستان وصل می‌شود، گفت‌وگو شد.
در این دیدار سرپرست وزارت معادن وپترولیم در رابطه به احداث خطوط آهن با کشورهای ترکمنستان، تاجیکستان و ایران گفت، این یک پروژه ملی بوده وسهولت‌های زیادی در انتقالات اموال از این کشور‌ها به افغانستان، اعمارسرک‌ها و زمینه کاری برای مردم ما فراهم می‌کند.
او اطمینان داد که در زمینه تطبیق این پروژه‌ها با اداره ملی خط‌آهن همکار است.