مولوی حبیب‌الله آغا، وزیر معارف، در یک سفر رسمی به ولایت ننگرهار از مکتب‌های مؤمن افغان-ترک در این ولایت بازدید کرد.
وزارت معارف می‌گوید که آقای جنک اونال، سفیر ترکیه برای افغانستان، مولوی محمد شریف حلیمی، رییس معارف ولایت ننگرهار و شمار زیادی از مسوولان محلی این ولایت، وزیر معارف را همراهی می‌کردند.
به گفته این وزارت، مولوی حبیب‌الله آغا ضمن بررسی محیط تعلیمی، از بابت فراهم‌آوری امکانات و فعالیت‌های تعلیمی مکتب‌های افغان-ترک از مسوولان و استادان این مکتب‌ها قدردانی کرده و از شاگردان خواست تا در فراگیری درس‌ها با تلاش بیشتر کوشش کنند.
در عین حال، ریاست معارف ننگرهار نیز ضمن حمایت از برنامه‌های وزارت معارف در زمینه تطبیق پلان‌های این وزارت، اطمینان داده است.
گفتنی است که وزیر معارف پیرامون وضعیت تعلیمی این ولایت با حاجی ملا محمد نعیم آخوند، والی ننگرهار، نیز گفت‌وگو کرده است.