قاری دین محمد حنیف، وزیر اقتصاد با روزا اوتونبایوا، نماینده دبیرکل سازمان ملل در افغانستان و اندریکا راتواته، معاون یوناما در کابل دیدار کرده است.
وزارت اقتصاد می‌گوید، در این دیدار دو طرف پیرامون تطبیق مؤثر و شفاف کمک‌های بشردوستانه در مطابقت به نیازمندی‌های اقتصادی و اولویت‌های انکشافی مردم گفت‌وگو کرده‌اند.
به گفته این وزارت، آقای حنیف، در این دیدار تأکید کرده که در سال روان میلادی تمرکز بیشتر نهادهای بین‌المللی باید روی تطبیق پروژه‌ها و فعالیت‌های انکشافی در کشور باشد تا باعث حل مشکلات معیشتی و کاهش میزان فقر و بی‌کاری شود.