ششمین نشست اتحادیه اروپا و کشورهای آسیای مرکزی که درشهر دوشنبه پایتخت تاجیکستان برگزار شده بود، کشورهای شرکت‌کننده در این نشست بر ادامه همکاری‌های تجاری با افغانستان تاکید کرده و آن را ضروری دانستند.
ازسوی‌هم، وزارت اقتصاد از نشست اتحادیه اروپا و کشورهای آسیای مرکزی در باره ادامه همکاری‌های تجاری با افغانستان استقبال کرده می‌گوید که این همکاری‌ها به سود منطقه و جهان است.
آگاهان مسائل اقتصادی نیز به این باور اند که تداوم این گونه نشست‌ها و ادامه همکاری‌های اقتصادی کشورها با افغانستان می‌تواند باعث جلب کمک‌ها و سرمایه‌گذاری در زیرساخت‌های کشور شود.