شیخ نداء محمد ندیم، وزیر تحصیلات عالی در دیدار با اندریکا راتواته، معاون یوناما گفته که این وزارت در سال روان، تجهیزات لابراتواری به ارزش ۲۷۰ میلیون افغانی خریداری کرده و تلاش می‌کند اشخاص متخصص و مسلکی را آموزش دهد.
آقای ندیم از یوناما خواسته تا در زمینه تقویت نظام تحصیلی و تأمین وسایل عصری برای مراکز تحصیلی افغانستان همکاری کند.
در همین‌حال، اندریکا رتواته، معاون یوناما در کابل، در این دیدار در خصوص کمک‌های بشری، زراعت، صحت و دیگر فعالیت‌های انجام شده توسط یوناما در افغانستان معلومات داد.
هم‌چنان معاون یوناما به همکاری در جذب استادان افغانی و خارجی و تجهیز نهادهای تحصیلی افغانستان تعهد کرده است.