داکتر عبدالباری عمر، رییس عمومی اجراییوی شرکت برشنا و هیأت همراهش در سفر به تاجیکستان به دلیر جمعه، وزیر انرژی این کشور دیدار کردند.
شرکت برشنا می‌گوید، در این دیدار، دو طرف پیرامون پروژه کاسا ۱۰۰۰ انتقال برق و مسائل اقتصادی گفت‌وگو کرده‌اند.
آقای عمر در این دیدار درباره فرصت‌های موجود در افغانستان معلومات داده و افزود که امارت اسلامی خواهان روابط خوب اقتصادی و سیاسی با تمام کشورها به‌شمول همسایه‌ها است.
از سوی هم، وزیر انرژی تاجیکستان در این دیدار گفته که کشورش به عنوان یک همسایه مسلمان، در زمینه‌های انتقال انرژی، تأمین ثبات و امنیت، به‌گونه مشترک با افغانستان همکاری می‌کند.
در پایان این نشست، هم‌چنان دوطرف به کار مشترک در زمینه انرژی برق تعهد کردند.