چین هزاران دوز واکسین انفلونزا و مننژیت به افغانستان کمک کرد

وزارت صحت‌عامه می‌گوید که کشور چین ۳۳ هزار دوز واکسین انفلونزا و ۳۳ هزار دوز واکسین مننژیت به این وزارت کمک کرده است.

مولوی عبدالولی حقانی، معین عرضه خدمات صحی وزارت صحت عامه با استقبال از این کمک چین، تأکید کرده که برای حفظ کیفیت واکسین‌ها، باید مدیریت بهتری بر امور گمرکی آن صورت گیرد.

از سوی دیگر، نماینده چین گفته است که به کمک‌های خود به سکتور صحت عامه افغانستان ادامه می‌دهد و تعهد کرده که این کمک‌ها بیشتر گسترش یابد.