شیخ ضیاء‌الرحمن آریوبی، معین علمی وزارت تحصیلات عالی در حاشیه فورم بین‌المللی وزیران تحصیلات عالی و معارف در تاتارستان، از پوهنتون تحقیقاتی و تخنیکی ملی کازان و پوهنتون فدرال کازان دیدن کرده است.
تحصیلات عالی می‌گوید، آقای آریوبی در این بازدید با مسوولان این پوهنتون‌ها پیرامون گسترش همکاری‌های دوجانبه علمی، تحقیقی و درسی گفت‌وگو کرده است.
به گفته این وزارت، مسوولان پوهنتون‌های یادشده تعهد کردند که توافق‌نامه‌های همکاری را با پوهنتون‌های پیشتاز افغانستان به منظور گسترش روابط علمی و تحقیقی، تضمین کیفیت، تبادله استادان، تبادله نصاب برنامه‌های جدید، نشر مقاله‌های علمی و دیگر بخش‌ها، امضا کنند.