شیخ ضیاءالرحمن الاریوبی، معین علمی وزارت تحصیلات عالی و مولوی سخاءالله سعید، معین وزارت معارف در ترکیب هیأت امارت اسلامی افغانستان با معین وزارت معارف روسیه دیدار کرده اند.
وزارت تحصیلات عالی می‌گوید، دو طرف در این دیدار علاقه‌مندی شان را برای تبادل تجارب با یکدیگر ابراز کرده و نیز درباره امضای توافق‌نامه‌ها، پروتکل‌ها و قراردادهای همکاری‌های مشترک میان پوهنتون‌های افغانستان و روسیه گفت‌وگو کردند.
معین وزارت معارف روسیه گفت که پوهنتون‌های فدارسیون روسیه از گذشته‌ها با پوهنتون‌های افغانستان توافق‌نامه‌های دارند.
از سوی هم، شیخ ضیاءالرحمن الاریوبی گفت: «بهتر است که توافق‌نامه‌های یادشده دوباره بازنگری شود، تا مطابق خواسته‌های عصر کنونی و با در نظرداشت تقاضاهای افغانستان ترتیب شود.»
قابل ذکر است، هیأت امارت اسلامی برای اشتراک در سومین فورم وزیران تحصیلات عالی و معارف، به شهر کازان پایتخت جمهوری تاتارستان رفته است.