ورځ: جمعه
نېټه: ۱۰/۵/۱۴۴۵ ھ ق، مطابق ۳/۹/۱۴۰۲ ھ ش
تورخـــم (ډیورنډ فرضي کرښه)
د ثبت، تثبیت او استقبال کمیټه:
تورخم کې ۲۳۶ کورنۍ او یو زر او ۲۲۵ تنه ثبت او بایومټریک شوي دي.
په همدې ډول ۱۰۰ کورنۍ تثبیت کړل شوې، چې ۹۰ کورنۍ مهاجرېن او پاتې ۱۰ کورنۍ غیر مهاجرېن ثابتې شوې.
د خدماتو او صحي چارو کمېټه:
په عمري کمپ کي د خـدماتي کمـېـټي لهخـوا ۱۰ زره او ۵۰۰ تنه کډوالو ته ډوډۍ او تصفيه شوي اوبه پهخپل وخت سره توزیع شوې .
د خدماتو کمېټې په چوکاټ کې د مخابراتو او معلوماتي ټکنالوژۍ د مسئولينو لهخوا راستانه شویو کډوالو ته ۶۸۶ عدده سیمکارټونه په وړیا توګه ووېشل شول.
د مختلفو خيريه بنسټونو لهخوا مرسته شوې یو زر او ۵۰ کمپلې، ۵۰۰ بستې معدني اوبه او ۶۰۰ ښځینه او نارینه بوټونه او جامپرونه، ۴۰۰ بستې خوارکي توکي توزیع شوي او د اته ټانکرونو په واسطه ۱۴۵ زره لیټره اوبه توزیع شوي دي.
د ټرانسپورټ او انتقال کمېټه:
۸۵ کورنۍ چې د افرادو شمېر یې ۴۷۵ تنه کیږي، د ۲۸ عراده مختلف النوعه موټرو په واسطه ننګرهار، کابل، کونړ او لغمان ولایتونو ته په خوندي ډول لیږدول او یادو کورنیو ته ۱۱۵ زره افغانۍ د کرایې لپاره ورکول شوي دي.
د تورخم فرضی کرښې څخه تر اړوند کمپ پورې په خوندي ډول د کډوالو د لیږد لپاره ۱۹ عرادې مختلف النوعه امارتي وسایط استخدام شوي وو، چی ټولې یې ۱۳ دورې ترسره کړې.
د کډوالو لپاره د کار موندنې کمیټه:
د کډوالو لپاره د کارموندنې کمېټې نن په تورخم کې درې تنه د بکلوریا سند لرونکي، یو تن د فوق بکلوریا سند لرونکی، یو تن ماستر، یو تن د وړې دورې فارغ، ۳۰۰ تنه غریبکار او ۴۴ تنه حرفهيي او مسلکي کسان ثبت کړل، چې ټول ۳۵۰ تنه کیږي.
۲۴۰ هېوادوالو ته، د ناچاوده ماینونونو، نظافت، ماشوم ساتنې او د افغانستان په اړه عامه پوهاوی ورکول شوی.
په همدې ډول ۱۳۵ کډوالو ته د رواني سلامتیا په موخه د لوبو او تفریح ځانګړي پروګرامونه په لاره اچول شوي دي.
د اطلاعاتو او عامه پوهاوي کمېټه:
۱۴ تنه اطفال هیواد ته راستانه شول، درې تنه یې نن له خپلو کورنیو سره یوځاي کړل شول او متباقي په حمایوي مرکز کې ساتل کیږي، ترڅو کورنۍ یې پیدا شي.
سپین بولدک (ډیورنډ فرضي کرښه)
د ثبت، تثبیت او استقبال کمیټه:
د سپین بولدک په سیمه کې ۳۰۱ کورنۍ چې د افرادو شمېر یې یو زر او ۷۱۱ تنه کیږي، ثبت او د کورنیو چارو وزارت له لوري بایومټریک شوې.
له دې جملې ۲۵۲ کورنۍ چې یو زر او ۴۳۸ تنه کیدل، د لازمو مرستو په موخه (آی، او اېم) ته او ۴۹ کورنۍ چې د افرادو شمیر یې ۲۷۳ تنه کیده، د (یو ان اېچ سي آر) سلېپونه او د (وي آر پي) کارټونه یې له ځانه سره لرل، (یو ان اېچ سي آر) سازمان ته معرفي شوې.
دوه تنه نارینه قیدیان هم ثبت شوي دي.
د ټرانسپورټ او انتقال کمېټه:
له بولدک ولسوالۍ او کندهار څخه ۷۴ کورنۍ چې د افرادو شمېر یې ۵۸۸ تنه کیږي، د ۱۲ مختلف النوعه نقلیه وسایطو په واسطه کندهار، هرات او کابل ولایتونو ته ولېږدول شوې او یادو کورنیو ته ۱۰۲ زره افغانۍ کرایه هم ورکول شوه.
د مالي چارو د تنظیم کمېټه:
پر ډیورنډ فرضي کرښه په سپین بولدک کې د مالي چارو د تنظیم کمېټې لهخوا له ۲۷۵ کورنیو سره مرسته وشوه او هرې کورنۍ ته ۱۰۰۰۰ افغانۍ ورکول شوې.
د اطلاعاتو او عامه پوهاوي کمېټه:
هم د تېر په څېر، په کمپونو کې لسګونو راستنېدونکو هېوادوالو ته عامه پوهاوی او معلومات ورکړل شوي.
همدا راز خبري رسنیو ته د راپورونو زمینه برابره شوې ده.
د عامه پوهاوي په برخه کې راستنېدونکو هېوادوالو ته غرمه او ماښام مهال غازي عبدالله خان لېسه کمپ او باران کلا کمپ کې د صبر او زغم په اړه ویناوې هم وشوې.
د خدماتو او صحي چارو کمېټه:
سپین بولدک او ښوراندام کې د غرمې او ماښام لهخوا شپږ زره او ۱۵۰ تنه راستانه شویو کډوالو ته ډوډۍ توزیع شوې ده.
د خدماتو او صحي چارو کمېټې په چوکاټ کې د ملي دفاع وزارت، د میرویس نیکه روغتون، د سرې میاشتې ټولنې، هېلټ نېټ مؤسسې او د باران صحي ټیمونو لهخوا ۵۶۰ تنه ناروغان تداوي شوي. د یو زر او ۲۵ تنو سکریننګ شوی، دوه زره او ۳۰۰ نارینهوو ته واکسین تطبیق شوی، د ملاریا څلور نمونې او د کورونا پینځه نمونې اخیستل شوي، ۱۶۰ تنو ته کورونا واکسین تطبیق شوی، دوه تنه مریضان استول شوي او پینځه ناروغان بستر شوي دي.
د ښاروالۍ، برېښنا، ترافيکو، اوبو رسولو او نورو برخو کې اړوند خدمتونه هم وړاندې شوي دي.
سپین بولدک د کمپ کثافات راټول او لرې کړل شول او ۷۵ زره لیټره د څښلو پاکې اوبه برابرې کړل شوې.
نن د خدماتو کمېټې په چوکاټ کې د مخابراتو او معلوماتي ټکنالوژۍ د مسولانو له لوري پر راستانه شویو کډوالو ۸۵۰ عدده سیمکارټونه ویشل شوي دي.
د ښاروالۍ، برېښنا، ترافيکو، اوبو رسولو او نورو برخو اړوند خدمتونه هم وړاندې شوي دي.
د ضرورت په اندازه د کډوالو لپاره خیمي، کمپلې او خوراکي او نور توکي اماده شوي دي.
پکتیکا (ډیورنډ فرضي کرښه)
د ثبت، تثبیت او استقبال کمېټه:
پر ډیورنډ فرضي کرښه د انګور اډې په سیمه کې څلور کورنۍ او ځنځیر سیمه کې بیا ۱۶ کسان ثبت شوي دي.
د خدماتو او صحي چارو کمېټه:
د خدماتو او صحي چارو کمېټې په چوکاټ کې د ملي دفاع وزارت او د عامې روغتیا صحي ټیمونو لهخوا انګور اډه او ښرنه کې ۱۱۵ تنه ناروغان تداوي شوې او روغتیايي خدمات ښه ډول وړاندې کیږي.
په انګور اډه او ښرنه کې ۷۴ تنه کډوالو او د کمېټو غړو ته د سهار، غرمې او ماښام ډوډۍ ورکړل شوه.
د خدماتو کمېټې په چوکاټ کې د مخابراتو او معلوماتي ټکنالوژۍ د مسئولانو له لوري پر راستانه شویو کډوالو نهه عدده سیمکارټونه ویشل شوي دي.
زابــــــــــــل (ډیورنډ فرضي کرښه)
د ټرانسپورټ او انتقال کمیټه:
د ترانسپورټ او انتقال کمېټې لهخوا دوه کورنۍ، چې د افرادو شمیر یې ۱۷ تنه کیږي، د زابل له شملزو ولسوالۍ څخه بلابیلو سیمو ته انتقال شوې او درې زره او ۲۶۰ افغانۍ کرایه ورکول شوه.
نیمــــــروز
ثبت، تثبیت او استقبال کمیټه:
په تېرو ۲۴ ساعتونو کې په نیمروز کې د ورېښمو له لارې ۳۳ کورنۍ، چې د افرادو شمیر یې ۱۴۶ تنه کیږي او یو زر او ۷۳۵ تنه مجردین را ستانه او د مسولانو له لوري ثبت شوي دي، چې د کورنیو له ډلې ۲۴ کورنۍ چې افرادو شمیر یې ۱۰۱ تنه کیږي او د مجردینو له ډلې ۸۲ تنه د نغدي او غیر نغدي مرستو په خاطر (آی او اېم) ته معرفي شوي دي.
د خدماتو او صحي چارو کمېټه:
د راستانو شوو کډوالو سره د روغتیا او عامه پوهاوي په برخه کې خدمات وړاندي شول.
هـــــــــرات
د مالي چارو د تنظیم کمېټه:
د اسلام کلا بندر کې له ۱۵ کورنیو سره د مالي کمېټې له لوري ل لس لس زره افغانۍ مرسته وشوه.
د کډوالو ستونزو ته د رسېدنې عالي کمېسیون دارالانشاء
