ورځ: دوشنبه
نېټه: ۶/۵/۱۴۴۵ ھ ق، مطابق ۲۹/۸/۱۴۰۲ ھ ش
تورخـــم (ډیورنډ فرضي کرښه)
د ثبت، تثبیت او استقبال کمیټه:
تورخم کې ۲۳۰ کورنۍ او ۲۸۸ تنه ثبت او بایومټریک شوي دي.
په همدې ډول ۱۴۷ کورنۍ تثبیت کړل شوې، چې ۱۳۰ کورنۍ مهاجرېن او پاتې ۱۷ کورنۍ غیرمهاجرېن ثابتې شوې.
د خدماتو او صحي چارو کمېټه:
په عمري کمپ کي د خـدماتي کمـېـټي لهخـوا ۱۱ زره او ۱۵۰ تنه کډوالو ته ډوډۍ او تصفيه شوي اوبه پهخپل وخت سره توزیع شوې .
د خدماتو کمېټې په چوکاټ کې د مخابراتو او معلوماتي ټکنالوژۍ د مسولينو لهخوا راستانه شویو کډوالو ته یو زر او ۱۳۵ عدده سیمکارټونه په وړیا توګه ووېشل شول.
د مختلفو خيريه بنسټونو لهخوا مرسته شوې یو زر او ۲۰۰ کمپلې، ۳۹۶ جوړې بوټونه، لس زره بستې معدني اوبه او ۶۰۰ ښځینه او نارینه کوټونه توزیع شوې، ۴۰۰ بستې خوارکي توکي او همدارنګه د اوبو رسولو په برخه کې د اته ټانکرنو په واسطه ۱۴۵ زره ليټره اوبه توزیع شوي دي.
د مالي چارو د تنظیم کمېټه:
په عمري کمپ کې د مالي چارو کمېټې له لوري نن ۳۵۰ اړمنو راستنېدونکو سره نغدي مرسته وشوه او هرې کورنۍ ته ۱۰ زره افغانۍ نغدې ورکړل شوې.
د ټرانسپورټ او انتقال کمېټه:
۶۷ کورنۍ چې د افرادو شمېر یې ۴۱۵ تنه کیږي، د ۱۹ مختلف النوعه موټرو په واسطه ننګرهار، کابل، لغمان ولایتونو ته په خوندي ډول انتقال شوي او یادو کورنیو ته ۹۲ زره او ۵۰۰ افغانۍ د کرایې لپاره ورکول شوي دي.
د تورخم فرضی کرښې څخه تر اړوند کمپ پورې په مصئونه توګه د کډوالو د لیږد لپاره ۲۵ عرادې مختلف النوعه امارتي وسایط استخدام شوی وو، چی ټولې یې ۴۶ دورې ترسره کړی.
د کډوالو لپاره د کار موندنې کمیټه:
د کډوالو لپاره د کارموندنې کمېټې نن په تورخم کې ۱۶ تنه د بکلوریا سند لرونکي، درې تنه د فوق بکلوریا سند لرونکي، پینځه تنه د لیسان سند لرونکی، نهه تنه حافظان، یو تن د وړې دورې فارغ، یو تن دیني عالم، ۵۷۶ تنه غریبکار او ۲۲۷ تنه حرفهيي او مسلکي کسان ثبت کړل، چې ټول ۸۳۸ تنه کیږي.
د اطلاعاتو او عامه پوهاوي کمېټه:
د کمپ په بېلابېلو برخو او فرضي کرښه کې له راستنو شویو هېوادوالو سره دوه ناستې وشوې او د پروسې د مراحلو طی کولو په اړه معلومات ورکول شول.
ډیورنډ فرضي کرښه کې اوښتونکو ته پوهاوی ورکول شو چې د کډوالو په نوم امتیازات ترلاسه نهکړي او که څوک ونیول شو قانوني چلند به ورسره وشي.
د کمېټو پر فعالیتونو پنځه راپورونه جوړ او نشر شول او د کمپ لپاره جوړې شوې دولس معلوماتي لوحو د نصب کولو چارې پېل شوې.
د (ای او اېم) له دفتر سره په همغږۍ کډوالو ته د مهاجرت پاڼې ووېشل شوې.
پینځه تنه ماشومان او تر پنځوس پورې ورکې تذکرې او اسناد اړونده کسانو ته وسپارل شول.
د امربالمعروف او نهی عن المنکر ریاست محتسبینو له لوري په کمپ او فرضي کرښه کې کډوالو ته د صبر او زغم کولو توصيې وشوې.
سپین بولدک (ډیورنډ فرضي کرښه)
د ثبت، تثبیت او استقبال کمیټه:
د سپین بولدک په سیمه کې ۵۲۰ کورنۍ چې د افرادو شمېر یې دوه زره او ۸۳۸ تنه کیږي، ثبت او د کورنیو چارو وزارت له لوري بایومټریک شوې.
له دې جملې ۴۱۶ کورنۍ چې دوه زره او ۸۳۸ تنه کیدل، د لازمو مرستو په موخه (آی، او اېم) ته او ۱۰۴ کورنۍ چې د افرادو شمیر یې ۵۰۵ تنه کیده (یو ان اېچ سي آر) سلېپونه او د (وي آر پي) کارټونه یې له ځانه سره لرل، (یو ان اېچ سي آر) سازمان ته ورپیژندل شوي.
څلور تنه نارینه قیدیان هم ثبت شوي دي.
د ټرانسپورټ او انتقال کمېټه:
له بولدک ولسوالۍ او کندهار څخه ۱۴۰ کورنۍ چې د افرادو شمیر یې ۹۰۲ تنه کیږي، د ۲۲ مختلف النوعه نقلیه وسایطو په واسطه کندهار، کابل، کندوز او هلمند ولایتونو ته ولېږدول شوې او یادو کورنیو ته ۱۲۳ زره افغانۍ کرایه هم ورکول شوه.
د مالي چارو د تنظیم کمېټه:
نن پر ډیورنډ فرضي کرښه په سپین بولدک کې د مالي چارو د تنظیم کمېټې لهخوا له ۶۷۶ کورنیو سره مرسته وشوه او هرې کورنۍ ته لس زره افغانۍ ورکول شوې.
د خدماتو او صحي چارو کمېټه:
سپین بولدک او ښوراندام کې د غرمې او ماښام لهخوا نهه زره او ۲۷۵ تنه راستانه شویو کډوالو ته ډوډۍ توزیع شوې ده.
نن د خدماتو او صحي چارو کمېټې په چوکاټ کې د ملي دفاع وزارت، د میرویس نیکه روغتون، د سرې میاشتې ټولنې، هېلټ نېټ مؤسسې او د باران صحي ټیمونو لهخوا ۸۷۷ تنه ناروغان تداوي شوي؛ دوه زره او ۵۶۰ تنو ته واکسین تطبیق شوی، د یو زر او ۴۰ کسانو سکرینینګ شوی، ۲۳۰ تنو ته بیا د کورونا ځانګړی واکسین تطبیق شوی، د پینځه تنو د ملاریا نمونې او د ۱۹ تنو د کورونا نمونې اخېستل شوي دي؛ پینځه مریضان استول شوي او اووه تنه نور بستر شوي دي.
د کمپ کثافات راټول او لرې کړل شول او ۵۰ زره لېټره د څښلو پاکې اوبه ورسول شوې.
تخته پل کمپ کې ۱۵ اتاقونو او رحمتي کمپ کې د برېښنا مزي وغځول شول، ګروپونه نصب او بولدک کې د سرې میاشتې صحي ټیم ته برېښنا ورسول شوه.
د خدماتو کمېټې په چوکاټ کې د مخابراتو او معلوماتي ټکنالوژۍ د مسولينو له لوري پر راستانه شویو کډوالو ۲۶۰ عدده سیمکارټونه ویشل شوي دي.
د ضرورت په اندازه د کډوالو لپاره خېمي، کمپلې او خوراکي او نور توکي اماده شوي دي.
د اطلاعاتو او عامه پوهاوي کمېټه:
د تېر په څېر، په کمپونو کې لسګونو راستنېدونکو هېوادوالو ته عامه پوهاوی او معلومات ورکړل شوي او خبري رسنیو ته د راپورونو زمینه برابره شوې ده.
د عامه پوهاوي په برخه کې راستنېدونکو هېوادوالو ته غرمه او ماښام مهال غازي عبدالله خان لېسه کمپ او باران کلا کمپ کې د صبر او زغم په اړه ویناوې هم وشوې.
پکتیکا (ډیورنډ فرضي کرښه)
د ثبت، تثبیت او استقبال کمېټه:
نن پر ډیورنډ فرضي کرښه، د تروې په سیمه کې ۱۰ کورنۍ چې د افرادو شمېر یې ۷۶ تنه کېده او په د انګور اډه کې پینځه کورنۍ ثبت شوي دي.
د خدماتو او صحي چارو کمېټه:
د خدماتو او صحي چارو کمېټې په چوکاټ کې د ملي دفاع وزارت او د عامې روغتیا صحي ټیمونو لهخوا ۹۰ تنه ناروغان تداوي شوي.
نن په انګور اډه، تروو او شرنه کې ۲۶۲ تنه کډوالو ته د سهار، غرمې او ماښام ډوډۍ ورکړل شوه او د شپې لهخوا هم ورته ډوډۍ او ځای په پام کې نیول شوی دی.
نن د خدماتو کمېټې په چوکاټ کې د مخابراتو او معلوماتي ټکنالوژۍ د مسئولينو له لوري پر راستانه شویو کډوالو ۱۳ عدده سیمکارټونه ویشل شوي دي.
د اطلاعاتو او عامه پوهاوي کمېټه:
د اطلاعاتو او عامه پوهاوي کمېټې له لوري راستنېدونکو کډوالو په هکله رسنیو ته معلومات راټول کړل شول، چې له مسئولینو او راستانه شویو هیوادوالو سره مرکې شوې دي.
د روغتيا په برخه کې نن د روغتيا او ملي دفاع وزارت صحي ټېمونو د ۹۰ تنو داخلي او راستنېدونکو کډوالو درملنه کړې او ۱۱ تنو ته بېلابېل واکسينونه تطبيق شوي دي.
د خدماتو او صحي چارو کمېټې له لوري ۶۰ تنه کډوالو او د ګډو کمېټو غړيو ته د سهار، غرمې او ماښام ډوډۍ ورکول شوې ده او د شپې تېرولو لپاره هم امادهګي نیول شوې ده.
د خدماتو او صحي چارو کمېټې په چوکاټ کې نن د مخابراتو او ټکنالوژۍ مسئولینو له لوري پر راستانه شویو کډوالو ۱۳ عدده سیمکارټونه توزیع شوي دي.
د ټرانسپورټ او انتقال کمېټه:
نن له انګور اډې څخه مهاجرین کمپ ته او له هغه ځایه خپلو ولسوالیو او کلیو ته پینځه کورنۍ انتقال شوي او د مالي چارو د تنظیم کمټې له لوري هرې کورنۍ ته لس زره افغانۍ ورکول شوي دي.
د کډوالو لپاره د کار موندنې کمیټه:
د کډوالو لپاره د کارموندنې کمېټې نن انګور اډه کې یو تن حافظ، یو تنه د وړې دورې فارغ، ۱۶۰ تنه غریبکار او ۱۱ تنه حرفهيي او مسلکي کسان ثبت کړل، چې ټول ۱۷۳ تنه کیږي.
زابـــــل:
د خدماتو او صحي چارو کمېټه:
د زابل اړوند پر ډیورنډ کرښه د شملزو په ځنځیر سیمه کې دریو فامیلونو ته ډوډۍ ورکړل شوه.
نیمــــــروز
د ثبت، تثبیت او استقبال کمیټه:
په تېرو ۲۴ ساعتونو کې په نیمروز کې د ورېښمو له لارې ۵۶ کورنۍ، چې د افرادو شمیر یې ۲۱۳ تنه کیږي او یو زر او ۷۳۲ تنه مجردین ثبت شوي دي، چې د کورنیو له ډلې ۴۸ کورنۍ چې افرادو شمیر یې ۱۷۵ تنه کیږي او د مجردینو له ډلې ۲۳۱ تنه د نغدي او غیر نغدي مرستو په خاطر (آی او اېم) ته معرفي شوي دي.
همدارنګه پر ډیورنډ فرضي کرښه د ډک له لارې درې کورنۍ چې د افرادو شمېر یې ۱۶ ته کیږي، راستانه شوی دي، چې ورته د خوړو، روغتیا، عامه پوهاوي او لیږد خدمتونو سربېره، د مالي کمېټې لهخوا ورسره نغدي مرستې هم شوې دي.
هـــــــــرات
د ثبت، تثبیت او استقبال کمېټه:
په اسلام کلا کې ۱۲۴ تنه ثبت او د مراحلو له طی کولو وروسته مالي کمېټې ته معرفي شول.
د مالي چارو د تنظیم کمېټه:
د اسلام کلا بندر کې له ۲۱ کورنیو سره د مالي کمېټې له لوري لس لس زره افغانۍ مرسته وشوه.
١٢٤ کسان مهاجرین بایمټریک او ثبت شول او وروسته تر طی مراحل کولو مالی دفتر ته معرفی او خدمات ورته وړاندی شول
د خدماتو او صحي چارو کمېټه:
د هرات ولایت مقام کې په اسلام کلا بندر کې د راستنیدونکو کډوالو لپاره د خدماتو د رسولو او د وضعیت د ښه والي په هدف ناسته وشوه.
د کډوالو ستونزو ته د رسېدنې عالي کمېسیون دارالانشاء
