ورځ: چهارشنبه
۱۴۴۵/۰۵/۰۱ هـ ق
۱۴۰۲/۰۸/۲۴ هـ ش
تورخم
د ثبت، تثبيت او استقبال کمېټه:
نن ورځ ۳۴۴ کورنۍ چې د غړو شمېر يې یو زر او ۸۶۵ تنه کیږي هېواد ته راستنې، ثبت او بايوميټرک شوي او په یو زر او ۴۳۷ کډوالو سيمکارتونه ووېشل شول.
د اطلاعاتو او عامه پوهاوي کمېټه:
د عامه پوهاوي په برخه کې د دې کمېټې ګرځنده ټيم له کډوالو سره څو ناستې وکړې او د چارو د طی مراحلو په اړه معلومات ورکړل شول. له IOM څخه ۳۰۰ اجراء شوې فورمې ترلاسه او کډوالو ته وسپارل شوې.
همدا راز ۵۰ ورک شوي اسناد او ماشومان پيدا او خپلو مالکانو او کورنيو ته وسپارل شول.
جوماتونو او زده کړو کمېټه:
دې کمېټې نن په تورخم کې راستانه شویو کډوالو کورنيو څخه وغوښتل چې خپل بچيان د زده کړو دوام لپاره وهڅوي.
د خدماتو او روغتيايي چارو کمېټه:
دې کمېټې نن ورځ ۲۱ زره او ۳۲۰ کډوالو باندې ډوډۍ او تصفيه شوې اوبه ووېشلې.
۴۰۰ کمبلې، ۱۵۰ بستې معدني اوبه، ۳۵۰ ښځينه او نارينه کورتۍ، د خامو خوراکي توکو ۲۰۰ کڅوړې، ۲۶ روغتيايي کيټونه او ۱۵۰ منه مڼې چې د بېلابېلو خيريه بنسټونو له لوري ترلاسه شوي وو، په اړمنو کډوالو ووېشل شول.
د مالي چارو د تنظيم کمېټه:
د راستانه شويو کډوالو ۴۰۰ کورنيو ته د هرې کورنۍ په سر لس زره افغانۍ ورکړل شوې.
د موقتي ميشت کولو کمېټه:
د کمپ له ټولو خېمو څخه څارنه وشوه چې په نتيجه کې يې له ټولو یو زر او ۳۵۰ خېمو څخه ۹۰۰ کې مهاجرين اوسيږي او ۴۵۰ نورې خالي دي.
د لسو ټانکرو په واسطه د کمپ ۱۴۰ ذخيرو ته ۱۸۵ زره لېټره اوبه ورسول شوې.
د ټرانسپورټ او انتقال کمېټه:
د تورخم فرضي کرښې څخه تر اړونده کمپ پورې د ۸ بېلابېلو وسايطو پر مټ په ۱۸ دورو کې مهاجرين را انتقال کړل شول.
په ۳۳ بېلابېلو وسایطو کې ۲۰۲ کورنۍ چې د غړو شمېر یې ۹۶۵ تنه کيږي، له تورخم څخه بېلابېلو ولایتونو کې خپلو کورنیو ته ولېږدول شوې.
د کاري فرصتونو کمېټه:
نن ورځ ۶ تنه بکلوريا، ۱ فوق بکلوريا، ۸۸ د مسلکي کارکوونکي او ۷۵۲ تنه نور غریبکار راستانه شوي دي.
سپین بولدک
د ثبت، تثبيت او استقبال کمېټه:
نن ورځ ۶۱۷ کورنۍ چې د وګړو شمېر یې درې زره او ۳۵۰ تنه کيږي، همدا راز ۶۸۵ تنه زندانيان، د سپين بولدک له لارې خپل هېواد ته راستانه شول، ثبت او بايوميټرک شول او ۵۲۶ کورنۍ چې ۲۸۶۷ تنه کيږي، د همکارۍ لپاره ايي او ايم ته وروپیژندل شول.
۵۱ کورنۍ چې ۲۶۸ تنه کيږي او د (UNHCR) اسناد يې درلودل د همکارۍ لپاره دې دفتر ته معرفي شول.
همدا راز ۱۳۹۲ کډوالو باندې د بېلابېلو شبکو سيمکارتونه وېشل شوي دي.
د خدماتو او روغتيايي چارو کمېټه:
نن غرمه سپين بولدک کمپ کې دوه زره او ۷۵۰ او ماښام دوه زره او ۶۶۰ تنو ته د ماښام ډوډۍ ورکړل شوه، همدا راز د ښوراندام کمپ کې غرمه مهال دوه زره او ۵۰۰ او ماښام دوه زره او ۷۰۰ تنو ته ډوډۍ ورکړل شوه.
د ۷۸۹ تنو بېلابېلو ناروغانو معاينات او تداوي ترسره شوه، یو زر او ۳۴ ناروغان سکريننګ شوي دي، دوه زره او ۸۸۹ واکسين شوي دي، د ۱۳ تنو د ملاريا نمونې اخيستل شوي او پینځه تنه د تداوۍ لپاره روغتون ته لېږدول شوي چې درې تنه يې په روغتون کې داخل شوي دي.
د تخته پل په کمپ کې د يوې لويې خيمې د درولو لپاره چمتوالی نيول شوی.
په دې کمپ کې د رڼا لپاره برقي تار غځول شوی او په ځينې ساحو کې برقونه نصب شوي دي. همدا راز د څښاک لپاره د اوبو ذخيرې د کمپ په بېلابېلو برخو کې نصب شوي دي.
اړمنو راستانه شويو کډوالو لپاره د سرپناه لپاره خيمې ولګول شوې او يو شمېر نورو باندې کمبلې ووېشل شوې.
د ټرانسپورټ او انتقال کمېټه:
۲۷۸ کورنۍ چې یو زر او ۶۶۹ تنه کېږي؛ په ۴۵ موټرو کې له سپين بولدک څخه ارزګان، هرات، کابل، زابل، غزني، کندهار او نورو ولایتونو ته لېږدول شوي دي. یادو کورنیو ته ۱۶۷ زره افغانۍ د کرايه لپاره ورکول شوي دي.
د اطلاعاتو او عامه پوهاوي کمېټه:
د غازي عبدالله خان ليسې او باران کلا کمپ کې لسګونه راستانه شویو کډوالو ته په بېلابېلو برخو کې معلومات ورکړل شوي دي.
د مالي چارو د تنظيم کمېټه:
نن ورځ د سپین بولدک له لارې ۶۲۵ راستانه شويو کورنيو سره د هرې کورنۍ په سر ۱۰ زره افغانۍ نغدي مرسته وشوه.
پکتيکا
د مؤقت میشت کولو کمېټه:
دې کمېټې د انګور اډې کمپ څخه د خونديتوب په موخه اغزن سيم تاو کړ.
هلمند:
د هلمند بهرامچې له لارې ۵ کورنۍ چې د غړو شمېر یې ۲۷ تنه کيږي، خپل هېواد ته راستانه شوي دي.
هـــــــــرات:
د مالي چارو د تنظيم کمېټه:
د اسلام کلا له لارې خپل هېواد د اووه راستنو شويو کورنيو سره د هرې کورنۍ په سر ۱۰ زره افغانۍ مرسته وشوه.
اطلاعاتو او عامه پوهاوي کمېټه:
دې کمېټې راستانه شويو کډوالو باندې د معلوماتو، لارښوونو او هر کلي پپغامونه خپاره کړي دي.
د ثبت، تثبیت او استقبال کمېټه:
د اسلام کلا له لارې ۵۸ کورنۍ چې ۲۲۱ تنه کيږي او دوه زره او ۵۵۹ تنه مجرد چې ټول دوه زره ۷۸۰ تنه کيږي، خپل هېواد ته راستانه شول، ۵۱ کورنۍ چې د غړو شمېر یې ۱۸۳ کيږي د همکارۍ لپاره ايي او ايم ته معرفي شول.
د کډوالو ستونزو ته د رسېدنې عالي کمېسیون دارالانشاء
