د بهرنیو چارو وزارت مرستیال ویاند حافظ ضیا احمد تکل وايي، چې د رياست الوزرا مقام له حکم سره سم، د بهرنيو چارو وزير په مشرۍ د امنیتي ارګانونو، کانونو او پټروليم، ټولګټو چارو، اطلاعاتو او کلتور، مخابراتو او معلوماتي تکنالوژۍ وزارتونو او د امارت مرکزي وياند او د افغانستان برېښنا شرکت په ګډون د بهرنيو چارو وزارت کې ترکمنستان سره د ټاپي او ګڼو نورو پروژو د پرانيستې مراسمو لپاره د چمتووالي ناسته وکړه.
د ښاغلي تکل په وینا؛ دې ناسته کې د فرعي کمېټو د چمتووالي راپور اورېدل شوی او د مراسمو د ښه ترسره کېدو په موخه لازمې پرېکړې شوي.
نوموړي زیاته کړې؛ راتلونکو ورځو کې به يادې پروژې د يو لړ شاندارو مراسمو په ترڅ کې پرانيستل شي.