د افغانستان اسلامي امارت د ریيس الوزرا ملا محمد حسن اخوند په مشرۍ د کابينې ۲۰مه غونډه پرون (دوشنبه، د غويي ۱۵مه) ترسره شوه.
غونډه د قرانکريم په تلاوت پيل شوه او ورپسې پر يو شمېر مهمو اقتصادي، ټولنيزو او کلتوري موضوعاتو خبرې او پرېکړې شوې دي.
د کابينې غونډې، د احصايې او معلوماتو ملي ادارې رییس عبدالقاهر په مشرۍ یوه استازي ته دنده سپارل شوې، چې د هېواد د وګړیو نفوس شمېرنې اړوند ناسته وکړي.
ټاکل شوي استازي به د جوړې شوې طرحې ټول اړخونه وڅیړي او وروستی راپور به د کابینې راتلونکې غونډې ته وړاندې کړي.
همداراز د کور او ښار جوړولو وزارت ته دنده سپارل شوې، ترڅو د تعميراتي کارونو د نقشو او ویزو اړونده برخه کې چټکتیا رامنځته شي.
غونډه د ګڼو نورو موضوعاتو په اړه له تفصيلي بحث او پرېکړو وروسته د خیر په دعا پای ته ورسېده.