د راپورونو پر اساس غزه کې د اسرائیلي بریدونو له امله روغتیايي سیستم له کاره لوېدلی.
ویل کېږي ډیری هغه ناروغان چې غزه کې یې درملنه کېده اوسمهال د روغتیایي مرکزونو د نشتوالي او ویجاړېدو له امله د مرګ له ګواښ سره مخ دي.
د غزې تړانګې اوسېدونکي او چارواکي وایي، چې د اسرائیلو هوايي او ځمکنیو بریدونو په دې سیمه کې روغتیايي سیستم تقریبا له منځه وړی دی.
د روغتیا نړیوال سازمان هم وايي، د غزې په شمالي سیمو کې له ۲۴ روغتونونو څخه یوازې اووه په نسبي توګه فعال دي.
له بل لوري د فلسطین د عامې روغتیا وزارت خبر ورکړی، چې د صهیونیستي رژیم د بریدونو په پایله کې تر دې دمه ۲۶ زره او ۸۳ فلسطینان شهیدان او څه باندې ۶۴ زره ټپیان شوي دي.