د اوبو او انرژي وزارت وايي؛ ملا عبداللطیف منصور او د دغه وزارت یو شمېر رییسانو او د قراردادي شرکت مسولینو د نغلو د لس میګاواټه لمریزې برېښنا له پروژې څخه لیدنه کړې.
د اوبو او انرژي وزیر د یادې پروژې څخه د لېدنې پر مهال ویلي، د دغې پروژې چارې بشپړې شوې او په نږدې راتلونکي کې ګټې اخیستنې ته سپارل کېږي.
نوموړي د دغې پروژې پلي کول د انرژي د پراختیا په برخه کې یو مثبت ګام بللي او زیاته کړې یې ده، عمومي شبکې ته د دغې پروژې د لس میګاواټه برېښنا په نښلولو سره به په کابل او ننګرهار کې د برېښنا ډیرې ستونزې هوارې شي.
د یادونې وړ ده، چې د نغلو د لس میګاواټه لمریزې برېښنا پروژه د اوبو او انرژي وزارت له لوري د یو خصوصي شرکت په پانګونې سره پلي شوې ده.