د ریاست الوزرا اداري مرستیال مولوي عبدالسلام حنفي د تخار ولایت د چاه اب ولسوالۍ له ولسوال مولوي زمان منصوري سره لیدنه کړې.
په د دې لیدنې کې مولوي زمان منصوري د چاه اب ولسوالۍ محلي ادارې د کړنو او فعالیتونو په اړه خبرې کړي او د تخار ولایت د ټولنیزې، اقتصادي او امنیتي اوضاع په اړه یې هم د ریاست الوزرا اداري مرستیال ته معلومات ورکړي دي.
مولوي زمان منصوري ویلي، په دې ولسوالۍ کې د اسلامي امارت مجاهدین او مسولین خلکو ته د خدماتو رسولو، د امنیت او هوساینې د ټینګښت کوښښ کوي او په دې برخه کې خپلې هڅې نه درېغوي.
د ریاست الوزرا اداري مرستیال خلکو ته د خدماتو رسولو، د امنیت او هوساینې د ټینګښت په برخه کې د چاه اب ولسوالۍ د مسولینو او مجاهدینو د کړنو او زحمتونو ستاینه کړې.
مولوي عبدالسلام حنفي ویلي، د اسلامي امارت مسولین چې په هره کچه وي، د خلکو خادمان دي او خلکو ته د خدماتو رسولو کې باید بې غوري ونه کړي.