د کلیو د بیارغونې او پراختیا وزارت له لوري د میدان وردګ ولایت په جغتو ولسوالۍ کې د شاوخوا ۲۰۳ میلیونه افغانیو په لګښت د ۱۱۶ بېلابېلو پراختیايې پروژو چارې د یو لړ مراسیمو په ترڅ کې پیل شوې.
د دې پروژو د پیل په مراسمو کې د کلیو د بیارغونې او پراختیا وزیر ملا محمد یونس اخوندزاده، مل پلاوي، د میدان وردګ ولایت مرستیال والي حافظ سعیدالرحمن، د یاد ولایت د علماوو د شورا مرستیال مولوې عابد اغا، د اړوندې ولسوالۍ ولسوال، د دغه ولایت د کلیو د بیارغونې او پراختیا رییس، یو شمیر نورو مسولینو، علمای کرامو، سپین ږیرو او ځوانانو ګډون کړی وو.
په دغو پروژو کې د کلیوالي سړکونو، پلونو، پلچکونو، استنادي دیوالونو او کانالونو جوړول شامل دي .
د یادو پروژو د کار په جریان کې به سلګونه تنه هېوادوالو ته د کار زمینه برابره او په بشپړیدو سره به يې په اړوندو برخو کې د دې ولسوالۍ د اوسېدونکو ستونزې هوارې شې.