په مسکو کې د افغانستان اسلامي امارت لوی سفارت د اشغال پای او د فتحې څلورمه کلیزه ونمانځله.
په یاده نمانځغونډه کې د روسیې فدراسیون د بهرنیو چارو وزارت سلاکار او د افغانستان لپاره د روسیې د ولسمشر ځانګړي استازي ضمیر کابلوف، په کوربه هېواد کې د ګڼو هېوادونو سفیرانو، ډیپلوماټانو، علماوو، سياسي شخصیتونو او په روسیه کې مېشتو هېوادوالو ګډون کړی وو.
د اسلامي امارت لوی سفیر مولوي ګل حسن حسن مېلمنو ته د ښه راغلاست ویلو ترڅنګ، دا تاريخي ورځ د افغان ولس د اوږدې مبارزې، زغم او قربانیو پایله بللې ده.
نوموړي په هېواد کې اوسنی امنیت او نظام د الله تعالی ستر نعمت بللی او زیاته کړې یې ده، چې باید د هېواد د پرمختګ او ابادۍ لپاره ترې ګټه واخیستل شي.