د کرنې، اوبولګولو او مالدارۍ وزارت د مرستیال مولوي صدراعظم عثماني له لوري پکتیا کې د شاوخوا ۲۰ میلیونه افغانیو په لګښت د یوه لوی کانال او یوې معیاري سړې خونې پروژې ګټې اخیستنې ته وسپارل شوې.
دا معیاري سړه خونه د ترکیې د همکارۍ او همغږۍ دفتر (تیکا) له لوري جوړه شوې، چې د ۲۰۰ مټریک ټنه توکو د ساتلو ظرفیت لري.
دغه راز د ۲.۵ کیلو متره په اوږدوالي د اوبو کانال د ملګرو ملتونو د خوړو او کرنې سازمان په مالي همکارۍ جوړ شوی دی.
د پکتیا اوسېدونکي او بزګران دا پروژې مهمې بولي او هیله څرګندوي، چې پر بنسټ به یې ګڼې ستونزې هوارې شي.