د افغانستان فوټسال ملي لوبډلې په اسیايي غوراوي سیالیو کې په یوې تساوي او دوو بریاوو اسیا جام کې د لوبېدو چانس ترلاسه کړ.
دغه لوبډلې په خپل ګروپ کې درې لوبې وکړې، چې له اندونیزیا سره ۷ – ۷ مساوي، سعودي عربستان ۳ ـ ۲ او ماکاو ته یې ۱۸ – ۲ ماته ورکړه.
له دې وړاندې فوټسال ملي لوبډلې په مرکزي اسیا اتلولیو کې د اوزبکستان، قرغېزستان او ترکمنستان په ماتولو سره دویم مقام خپل کړی و.
د فوټسال اسیا جام سیالۍ د ټایلینډ په کوربتوب د افغانستان په ګډون ۱۶ لوبډلو تر منځ ترسره کیږي، چې د ۲۰۲۴م کال د اپرېل میاشتې پر ۱۷مه به پیل او د همدې میاشتې تر ۲۸مې به دوام وکړي.