د ټولګټو وزارت له لوري د کابل – جلال اباد لویې لارې اړوند د لغمان ولايت عزيز خان کڅ په سيمه کې د سړک د قیر اچونې او داغګيرۍ کار د لغمان ولايت د ټولګټو د رییس او يو شمېر سيمه یيزو مسولينو په شتون کې پيل شوی.
دغه پروژه د ټولګټو وزارت او یو خصوصي ساختماني شرکت سره د شاوخوا پنځه میليونه افغانيو په ارزښت قرارداد شوې ده، چې پکې د ۵۵ کيلو متره سړک داغګيري، ۱۵۵ متره سړک قير اچونه، د يو استنادي دېوال او يو شمېر پلګوټو رغونه شامل دي.
د يادې پروژې په بشپړېدو سره به پر یاده لويه لار د تلونکو خلکو ترانسپورتي ستونزې د پخوا په پرتله هوارې شي او خلک به پرې په اسانۍ سره تګ راتګ وکړي.