د امر بالمعروف، نهی عنالمنکر او شکایتونو اورېدو وزیر، شیخ محمد خالد حنفي، په پکتیا ولایت کې د سویل ختیځو ولایتونو له دیني عالمانو، قومي مشرانو او سیمهییزو چارواکو سره په لیدنه کې د افغانانو پر یووالي او همغږۍ ټینګار کړی.
نوموړي وویل: «دښمن تل هڅه کړې چې د مخورو، قومي مشرانو او دیني عالمانو ترمنځ د نفوذ له لارې خپلې موخې ترلاسه کړي.»
شیخ محمد خالد حنفي زیاته کړه، د اسلامي امارت مسوولان باید خپل صلاحیت، وړتیا، علم او ټولنیز موقف د ټولنې د اصلاح او خلکو ته د خدمت لپاره وکاروي.