متحده عربي اماراتو راستانه شویو افغان کډوالو سره د ۲۰ زره خیمو مرسته کړې ده.
د کډوالو او بیرته راستنېدونکو چارو وزارت وايي، چې دغه مرسته شوې خیمې تېره شپه کابل نړېوال هوايي ډګر ته را رسېدلې دي.
د دې وزارت مالي او اداري مرستیال محمد ارسلاح خروټي د متحده عربي اماراتو څخه مننه کړې، چې داسې حساس وخت کې یې کډوالو سره مرسته کړې ده.
نوموړي له نړېوالو هېوادونو څخه غوښتي، چې افغان کډوالو ستونزو حل لپاره دې افغان حکومت سره مرستې وکړي.